თასის ფინალს "მიხეილ მესხი" უმასპინძლებს
უკვე საბოლოოდ დადასტურებული ინფორმაციით, საქართველოს დავით ყიფიანის სახელობის თასის ფინალური მატჩი "მიხეილ მესხის" სახელობის სტადიონზე გაიმართება.
ფინალში ერთმანეთს საქართველოს მოქმედი ჩემპიონი - "ზესტაფონი" და გორის "დილა" შეხვდებიან. თასის ფინალი წლევანდელი ქართული შიდა საფეხბურთო სეზონის ბოლო მატჩი იქნება. აღსანიშნავია, რომ გორულ კლუბს პირველად მიეცემა შანსი ეს ტიტული მოიგოს და რაც მთავარია, ევროტურნირზე ასპარეზობის უფლება მოიპოვოს.თასის ფინალი, ტრადიციულად, საქართველოს დამოუკიდებლობის დღეს -26 მაისს გაიმართება. რაც შეეხება დროს, მატჩის დაწყების ზუსტი საათი მოგვიანებით გახდება ცნობილი.
